Pratibimb

Office se ghar laut raha tha
Zindagi ke kis mukaam par pahuncha
Iska andaaza laga raha tha

Tabhi gaadi ko laga jhatka
mere saamne aaina aaya
Khudko sheeshe main dekh
Ek gehri soch main paya

Kya Jo saamne dikha
Woh mera hi pratibimb tha
Waqt ne mujhe kitna badla
Iska ab mujhe ilm tha

Bachpan se lekar ab tak
sirf mehnat karni seekhi thi
Kaam ke bal par
Apni pehchaan banani seekhi thi

Jo Maine chaaha

Woh sab paaya tha
Life ki har race main
Hamesha awwal number aaya tha

Peechey mudkar dekhta Hun toh

Ab tak ka safar bahut haseen tha

Big Boss ko thank you bolne ka

Issey achcha time nahin tha

Kuch hi Samay bacha tha ab
Fir woh din aaney waala tha
Umra ki ginti main
Ek aur saal badhne Wala tha

Sab dost log bole beta tum budha gaye ho
kya tumhe andaaza hai
Tum apna achcha samay
Peechey chhodkar aa gaye ho

Par jo bhi saal beeta tha
ussey maine kuch naya seekha tha
Sheeshey main apney pratibimb ko nahi
Aaj se behtar kal ko dekha tha....

Sale-oo Ki Zindagi

Hum Naa Hain Hindu Naa Muslim
Naa Hain Sikh aur Naa Isaai
Hamari toh Jaati upar Waale ne
Sales Ki Hai Banayi

Sale-oo hum Pyaar se Kehlaate hain
Number ko apna dharam
Target ko Bhagwan Banate hain

Hamari muskaan waqt ki mohtaj hai
Mahine ki shuruaat main hum
Laughter Challenge ki Archana
Toh month end main Devdas hain

Hum sab ka ek zero ROI plan Hai
Jisme salary ka 30% yogdaan hai
Yeh Sales Incentive plan Kahata hai
Koi sales Wala isko nahi Kamata hai

Hum Boss se Khaate hain
Team Ko Banate Hain
Retailer ko Chhod do
Woh Hamare Mai Baap Kehlate Hai

Upar Neechey Aagey Peechey
Humen Kahin se bhi Lagayen
Jiska Jab Jee Chaahe
Aakar Humko Bajaayen

Kandhe Hamare jhuke Honge
Chehre se hum Thake toote honge
Fir bhi hum aage badhte jaate hain
Isiliye hum sale-oo Kehlaate hain

Full Circle - Is It....

Around 6 Years have passed since my first post on this blog. That is like a lot of water under the bridge.

Mumbai, Bhubaneswar, Cuttack, Kolkata, Delhi, Kolkata and now down south.

SPJIMR ----> Airtel -----> Marico


Wow..... Has been quite a journey.... Made some friends for life in the last six years - some names - right - well only the ones in the Top Quadrant -

- Japes and Babes
- Debu
- AK
- Shreyas
- Andy
- Moghe

On the professional front - learnt a lot - specially from Sanjeev Boss, Tanna Sahab, Subbu Boss.

Well 5 years can't be written down in one night or in one post.... Will try and update frequently as I can....

Zindaa Yaa Sharminda ??

Hum Sab Zinda Hain

Apna Aaj pe Sharminda Hain

Har Koi Dusre Ko Dekh Dukhi Hai

Jaise Unke Jeevan Main Sirf Khushi Hai.....

Bacche Sochte Hain Kab Bade Honge

Kab Apne Pairon Pe Khade Honge

School, Padai aur Teacher Ki Tension

Jaldi Sone aur Jaldi Uthne Ki Tension

Hamesha Sabse Gyan Milta Hai

Isko Aise Nahi Waise Karo

Yeh Mat Khao Woh Mat Piyo

Khelo Nahi Padai Karo

Bache Tum Bado Ki Tarah Jiyo

Bade Bacchon ko Dekh Sochte Hain

Hum Kyun Bade Hue

Samay Ko Koste Hain!!!!

Ab Hum Bade Ho Gaye

Apne Pairon pe Khade Ho Gaye

Naukri, Boss aur Promotion Ki Tension

Ghar, Biwi aur Bacchon Ki Tension

Kaash Hum Bade Naa

Aaj Bhi Chhote Bacche Hote

Duniya Ki Bheed Main

Apni Masumiyat Naa Khote......

Yahi Toh Jeevan Ka Chakravyuh Hai

Dusre Ki Zindagi Ke Baare Main

Hamara Point Of View Hai.....

Har Bhasha Main

Yeh Kahavat hai

Dusre Ka Ladoo Khaalis

Hamare Ladoo Main milawat hai....

Neighbour Ki Envy

Owner Ki Pride Nahi Hoti

Har Cheez Jo Chamke

Hamesha Ujala Nahi Karti.....

Isi Liye Kehta Hun......

Hum Sab Zinda Hain

Apna Aaj pe Sharminda Hain

Har Koi Dusre Ko Dekh Dukhi Hai

Jaise Uske Jeevan Main Sirf Khushi Hai.....

(TITLE TO THE POEM GIVEN BY AJITA SINGH :) )......

Life Ab Tak....

Hum Duniya Main Aaye
Saath Dhero Khushiyan Laaye
Sabke Mukh Pe Muskaan Thi
Aayi Nanhi Si Jaan Thi

Fir Aaye Haathi Aur Ghode
Sab Hamare Aagey Peechey Daudey
Hum The Sabki Aankhon Ka Tara
Mummy-Daddy Ka Raj Dulara

Samay Beeta Hum Hue Bade
Jaane Lage School
Socha Masti Ke Din Hue Poore

Khel Kood Hua Khatam
Ab Humey Padna Tha
School Ke Imtihaan Main
Prashno Se Ladna Tha

Jaisey Chotey Bachey
Bhoot Se Darte Hain
Hamara Wahi Haal
Pareeksha Ke Nateejey Karte Hain

Ek Hi Cheez Se Chain Milta Tha
Khud Ko Tendulkar Maankar
Jab Main Sheeshey Toda Karta Tha

Fir School Hua Khatam
Mano Jaan Main Jaan Aayi
Board ke Kam numberon se
Chotey College Main Admission Payii

College Main Kadam Rakhte Hi
Kaano Main Sangeet Ka Shor aaya
Charon Oar Dekha
Toh Khud Ko Swarg Main Paya

Ek Mohtarma Pe Dil Aaya
Par Senior Ne Patak Ke Giraya
Khoob Ragging Li Gayi
Bola Dekho Naya Hanso Ka Joda Aaya

Hum Se Bhi Naa Raha Gaya
Jabse unse nazren milaya
Teesrey Hi Hafte
Haal e Dil Sunaya

Woh Pehle to Daanti
Fir Thoda Sharmayi
Agley Hi Pal Boli
Darling Tu Chal Main Aayi....

Hum Ban Gaye the Bond
College Main Tha Rudba
Thanks to Bapu ka Paisa
aur meri hot mehbooba

Beet Gaye Teen Saal
Thanks To Mehbooba Ki Zulfen
Sutta aur Cutting Chai
Ab tha Time padhne Ka mere bhai

Ab Hum Maarenge Billi
Banenge Post Graduate
Lenge Salaries Silly Silly

Yeh Bhi Sapna Sach Hua
Kar dikhaya humne woh Kaam
Ban Gaye Hum MBA
Kiya Daddy Ka Bada Naam

Mil Gayi Naukri
Ban Gaye Hum MT
Corporate World Main
Ho Gayi thi hamari entry

Dilli Chhod Diya Humne
Pahunche Hum Pardes
Saleu Ban gaye Hum
Number se hua prem

Teacher ki tarah
Boss bhi Dantata tha
Fark Sirf itna tha
Boss Family Ko Bahut Manta Tha

Teen Saal Ho gaye
Baal Saare Kho Gaye
Log Kehte hain
Hum Ab Experienced Ho Gaye......

Kal aur Aaj

khud hi chal si padi hai yeh zindagi
kabhi dhakka diya hi nahi
pahiya khud hi ghume ja raha hai
rasta apna khud hi chune jaa raha hai

haan ab yeh karunga
aagey jaakar yeh fainsla lunga
zindagi ko naya mod dunga
kabhi aisa socha hi nahi

maine sab kuch karna hai
paani ki tarah behna
panchi ki tarah udna
duniya ke har rang main rangna hai

main cheenti ki tarah hoshiyaar nahi
agle pal kya hoga iska aaghaas nahi
us tiddhe ki tarah mast rehna hai
kal main nahi mujhko aaj main jeena hai

mausam apne aap badlenge
jeevan ek paheli kehte hain sab
uske rehasya khud ba khud khulenge

bas toofan main dridh rehna hai
rasta kitna bhi kathin ho
ek baar chun liya
toh aagey badhte jaana hai

kal main nahi
mujhko aaj main jeena hai

do saal aur kuch dost...

aankhon se door ho rahe hain
par dil main jagah bana li hai,
tumhare saath nahi toh kya
yaadon main duniya basa li hai...

PDF CREDO

Hum khud main khush rehte hain
bhagwaan se darte hain
aur doston ke liye kuch bhi karte hain
apni hi duniya main mast rehte hain

Kya kisi se jhagda karna
kyun kisi ka bura chahna
hum toh meethi baatain karte hain

shanti aur aman main vishwas rakhte hain
nafrat aur gussa nahi
hum toh mohabbat sabse karte hain

jung talwaar aur khanjar se nahi
hum pyaar se jeeta karte hain

Jeevan Ka Doraha

zaroori nahi har cheez
jo tum chaho mil jaye
jivan ke sab rang
indradhanush ban jaye

apna rasta tumne khud chunna hai
kya sahi hai aur kya galat
iska fainsla karna hai

jo kiya woh theek kiya
apne jeevan ko aadhaar diya
majburi ke us lamhe main
tumne dil ka kaha maan liya

jo chhoot gaya
usse bhula do
jis raah pe chal rahe ho
bas uska maza lo...

Dishaheen...

bahut der se chal raha hun
aagey hi aagey badh raha hun
zindagi ke har mod pe
naye saathiyon se mil raha hun

kahan hain jaana mujhe
yeh nahi pata hai
door hai manzil apni
rasta jokhim bhara hai

nadi ke bahaav main
jaise machli behti jaati hai
hava ke rukh main
jaise kashti chalti jaati hai

aisa hi kuch ho raha hai
mere saath bhi
kahan jana hai mujhko
iska nahi koi abhaas bhi

kuch toh hai
jo sirf mera hoga
jisko paane se
mera astitva pura hoga...

Haar ke dekh liya... Par Jeetna abhi Baaki hai...

Bahut intezaar kiya tha
apna sab kuch laga diya tha
din raat ek kiye the maine
kuch sapne sajoye the maine

par sapna sabka kahan sach hota hai
jisne jo bhi chaha woh use milta hai
sheeshe ke tarah choor ho gaya sab
andheri raat main gum ho gaya sab

par is andheri raat ke aage ujala hai
mujhe koshish kar aage badhte jaana hai
haan kuch khoya hai maine
par aage bahut hai paane ko
avsar hain bahut aage
asmaan pe jaane ko

zindagi aasaan nahi
har pal nayi kasauti hai
kasauti par khara utarna hai
mujhe aage badhna hai

ishwar ne jo kiya theek kiya
mujhe ladne ka haunsla diya
aage naye raaste hain
nayi umange nayi manzile hai
mujhe in raaston pe chalna hoga
phir kahin haar ka samna hoga
par main muh nahi modunga
haar ko jeet banakar chodunga

Chaahat...

suraj dhal sa gaya tha
sab kuch tham sa gaya tha
raat ka aalam chaa raha tha
sitaron ke tale nasha sa aa raha tha

aise hi baitha main tumhare intezaar main
kuch se kuch kiye jaa raha tha
zindagi ko tumne naya mod diya tha
berang kaagaz ko jaise rang diya tha

har lamha har pal
main yeh sochta hun
kaise mujhe tumne
jine ka bahana diya tha

tumhari woh khilkhalati hui hasi
woh zulfon ka mathe par girna
woh kajal bhare naina
aur bas us ek pal main jeena

samundar kinare baitha sochta hun
tum bin khud ko hi khojta hun
main bhi ek pal jeena chahta hun
bas us pal main tumhara saath chahta hun...

Akhir Kab Tak ?

Tez... Bahut Tez...
Aage badhna hai sabko
Duniya se ek kadam aage
Chalna hai sabko

raftar ke is nashe main choor hain sab
apno se hi kitne door hain sab
laalach ke nashe main doobe jaa rahe hain
ahem main hi jiye jaa rahe hain

andhiyaara chaa raha hai charon or
naa jane insaan ko kiche hai ab kaisi dor
kaisa hai yeh parivesh koi nahi jaanta
apno ko is duniya main koi nahi pehchanta

chaaron dishaon main hahakaar chaaya hai
manav sanskriti main naya mod aya hai
bamb ke dhamakon se tharra uthe hain sabhi
aasman khoon se laal hone aaya hai

umeed ka daman thame
baithe hain sabhi
us pal ke intezaar main
kab hoga ujiyara
is andheri raat main ????

Khud Ki Talaash...

aaj kaafi din baad
badli chaai hai
baarish ki boonde
fir dharti par aayi hain

nayi kaliyan naye patte khilne ko hain
panchi khoole aasman main udne ko hain
main bhi ud jaana chahta hoon
naye shikar ko choo jana chahta hoon

aaj fir hasne ko ji chahta hai
umange poore karne ko ji chahta hai
bhed chaal main kahin khoya tha main
aaj khud ki raah pe chalne ko ji chahta hai


kisi kamre main jaise band tha main
aaj bahar nikalne ko ji chahta hai
duniya ke nazare bahut hassen hai
in sabko aankhon main band karne ka ji chahta hai

In reeti riwazon se dum ghoot raha tha mera
aashaaon ke bojh se sir jhook raha tha mera
in bandishon ko tod dena chahta hoon main
aaj khulke saans lena chahta hoon main

yeh zindagi bahut choti si hai
bhanvar main fasi kashti si hai
is kashti ko ab kinaare lagana hai
zindagi ko naye mukaam pe pauhchana hai

aage ki raah kathin hogi
har pal ek nayi chunauti hogi
par mujhe aage badhte jaan hai
zindagi main kuch kar dikhana hai...

Dosti...

waqt ke saath sab badal jaata hai
jinka saath tha
unse nata toot jaata hai

sab chal dete hain apni rahon pe
joonjhte hain zindagi ke sawalo se
aise main dost kinko yaad rehte hain
par janaab hum toh apke aas paas hi rehte hain....

woh bhi din the jab ek saath guzaara hota tha
rukhi sukhi khate the hum
par waqt humara hota tha...

aage aap badh diye
hume peeche chod
mudke bhi naa dekha
dil diya humara tod...

apki dosti ke hum aaj bhi kayal hain
aapne bhoola diya toh kya
yeh rishta humari taraf se kayam hai....

Aur main... Aur main... Aur main...

Kabhi Ped ki Daali se Patte Ko girte dekha hai

Kabhi baadal se nikli paani ki us boond Ko girte dekha hai

Pata nahi nahi kahan jaakar thamega

Pata nahi kahan ashiana milega

Aise hi chala ja raha hoon main

Pata nahi kis or badha jaa raha hoon main

Koi manzil nahi

Koi theekana nahi

Duniya ki bheed main khoya jaa raha hoon main

Zindagi jaise tham si gayi hai

Hasi hothon par aakar ruk si gayi hai

Dishaheen ban gayi hain saari dishayen

Humne kasme wade saare nibhaye

Fir bhi humko chod chal diye woh

Muh apna mod chal diye woh

Ek pal main humko anjaan kar diya

Ae khuda mohabbat ka kya sila diya…

Aur main… Aur main… Aur main…

Shairi... Continued...

kahan tanhaiyon main gum rehte hai janaab
duniya se bichde hue kyun rehte hain aap

koi khabar nahi kya chal raha hai yahan
kisi ki madhosh aankhon main khoye rehte hain aap
aahat hoti hai toh nazre ghum jaati hain
intezaar rehta hai kisi ke aane ka

ladkhadaye nahi aap kabhi mehkhane main
par unki nazron ka nasha itna hai
behoshi ka aalam chaya rehta hai
itna bhi nahi pata yahan kaun apna hai....

duniya bachti hai gulab ke kaanton se
aap patharon pe sej sajai baithe hain
zamane ki parwah nahi ki kabhi
is dard main khud ko hi bhulaye baithe hain.....

kahan tanhaiyon main gum rehte hai janaab
duniya se bichde hue kyun rehte hain aap

Suraj Ki Ek Kiran

Suraj ki ek kiran Bankar aaie thi woh
Babul ke ghar khushiyon ka sama laai thi woh

Gudde aur Gudia ka khel uska nirala tha
Maa ne usko bade laad pyaar se pala tha
Baba ke sar ki shaan thi woh
Apne bhaiyon ke dilo ki jaan thi woh

Aaj chod chali woh apne babul ka aangan
Piya ki duniya sawarne
Dekho woh baithi hai nanhi si dulhan
apne kal ke intezaar main

Kuch Aashayen, Kuch Umange, Kuch Sapne
Thodi hasi ke pal aur woh rula dene wale lamhe

Ek nayi zindagi main woh kadam rakhne jaa rahi thi
Chodkar bachpan ka daaman ab woh badi hone jaa rahi thi

Naazuk hai woh dor jispar chalna hai usko
Naie rishton ke rang main rangana hai usko

Woh ab chali jaa Rahi hai Yaadien Sameten
Sabki Aankhon main khushi ke Aansu Deke
Soona hai ab babul ka aangan
kahan hai woh khushi bhare lamhe

Suraj ki ek kiran Bankar aaie thi woh
Babul ke ghar khushiyon ka sama laai thi woh

Another Day In My Life

The birds are chirping
The Flowers are blooming
The sun is shinning bright

and here starts another day in my life...

When i first met you
I knew it was true
That God made me only for you
and i must say that
i love you

The birds are chirping
The Flowers are blooming
The sun is shinning bright

and here starts another day in my life...

I have fallen in love
And am smitten by you
I am looking for a dove
But i can't find you

You got rosy cheeks
and a dimpled chin
little blue eyes
and snow white skin

The birds are chirping
The Flowers are blooming
The sun is shinning bright

and here starts another day in my life...

It is my birthday today
and i am thirty two
I am asking God
To give me you

As a birthday present
Baby I want you...

So come to me
and i am gonna die for you...

The birds are chirping
The Flowers are blooming
The sun is shinning bright

and here starts another day in my life...

SIPAHI KI ZINDAGI

Woh khada hai Sarhad par Apna sina Taankar
Kya ho sakta hai Anjaam is Sabka Jaankar

Yaad aati hai usko
Apne Gaon ki mitti ki
Maa ki roti hui aankhon ki
Bachon ki siski ki

Bhulaiye Baitha hai sab bus is intezaar main
Desh ke liye Apni jaan khatre main daal ke
Ek junnon ab uske sar pe sawaar hai
Desh ki raksha ke liye hi bana uska har waar hai

Nahi bachega dushman ab usko yeh batlado
Desh ki aan ke liye toh haazir uski jan hai

Woh khada hai Sarhad par Apna sina Taankar
Kya ho sakta hai Anjaam is Sabka Jaankar